Azərbaycanlı milyarder, Rusiyanın “Nort Qaz” şirkətinin rəhbəri Fərhad Əhmədov “Luna” adlı lüks yaxtası ilə Antalya sahillərinə gəlib.

Axar.az xəbər verir ki, yaxtada Fərhad Əhmədovla yanaşı həyat yoldaşı Tatyana Əhmədova, üç övladı və yaxın dostları olub.

Azərbaycanlı milyarderi yaxtanın ətrafında 6 təhlükəsizlik qayığı qoruyub.

Qeyd edək ki, Fərhad Əhmədov lüks yaxtanı bu ilin əvvəlində rusiyalı milyarder Roman Abramoviçdən alıb. Yaxta üzgüçülük hövuzu, helikopter meydançası, kiçik sualtı qayıq, 6 sürətli kater, gülləkeçirməz şüşələr, raketdən müdafiə sisteminə malikdir.