Almaniyanın İrandakı səfiri Mixail Klor Breştold Urmu gölünə baxış keçirib.

Axar.az xəbər verir ki, səfir göldə yaşanan böhranla bağlı narahat olduğunu bildirib. O, keçirdiyi mətbuat konfransında göldə durumun çox gərgin olduğunu dilə gətirib:

“Urmu gölünü yaxından görmək istəyirdim. Təəssüflər olsun ki, göldə durum olduqca gərgindir! Bu vəziyyət məni çox kədərləndirdi. Göldə yaşanan böhranı başa düşdüm. Tehrana qayıtdıqdan sonra Urmu gölünün vəziyyəti ilə bağlı ölkəmə məlumat göndərəcəm. Yəqin ki, lazımi araşdırmalar aparılacaq”.

Almaniya səfiri ölkəsinin ətraf mühitin qorunmasına xüsusi əhəmiyyət verdiyini də diqqətə çatdırıb.

Qeyd edək ki, milyonlarla insanın həyatını təhlükə altında qoyan Urmu gölü böhranı ilə bağlı nəzərdə tutulan bütün layihələr uzun illərdir icra olunmur.