Kərkükün bölgə məclisində kürd üzvlərin təktərəfli olaraq referendum barədə qərar verməsi qanuna ziddir.

Axar.az xəbər verir ki, bu sözləri İraq Baş naziri Heydər Abadi deyib.

Abadi alınan qərarı qəbul etmədiklərini və qanunsuz qərarlara qarşı olduqlarını söyləyib.

Baş nazir qeyd edib ki, birtərəfli şəkildə verilən qərarı tanımayacaqlar və bu, daha çox mübahisə və münaqişələrə səbəb olacaq.

Xatırladaq ki, Kərkük məclisində kürd deputatlar müstəqil kürd dövlətinin yaradılması üçün referendum keçirmək qərarı veriblər.