Qazaxıstan kürdlərini öz sıralarında birləşdirən “Barbanq” cəmiyyətinin sədri Knyaz Mirzəyev Qzaxıstan kürdlərinin İraq Kürdüstanında keçirilən referendumu tam dəstəklədiyini açıqlayıb.

Modern.az Qazaxıstan KİV-nə istinadən xəbər verir ki, Mirzəyev MDB məkanında yaşayan 300 minlik kürd icmasının bu hadisəyə çox sevindiyini vurğulayıb.

“İraq (Cənubi) Kürdüstanının müstəqilliyi bütün kürd xalqı üçün bayramdır. Ötən həftə MDB kürdləri adından Ərbilə səfər edərək Məsud Bərzani ilə görüşdə ona dəstəyimizi ifadə etdik. Referendum və müstəqillik kürd xalqının qanuni haqqıdır”.

Xatırladaq ki, Qazaxıstandan 50 mindən artıq kürd yaşayır. Onlar say baxımından çoxmillətli bu ölkədə 13-cü ən böyük etnik qrupdur.