Türkiyədə qatar avtomobillə toqquşub: ölənlər və yaralananlar var
9-10-2017, 08:48
Türkiyənin qərbində qatarla avtomobilin toqquşması nəticəsində bir neçə nəfər ölüb.
“Report” Türkiyə KİV-ə istinadən xəbər verir ki, hadisə Germencik şəhərində baş verib.
Belə ki, dəmiryolu keçidində qatar avtomobilə çırpılıb. Nəticədə 3 nəfər hadisə yerində ölüb.
Qəza zamanı daha 3 nəfərin xəsarət aldığı bildirilir. Onlardan 2-nin vəziyyəti ağır qiymətləndirilir.
Faktla bağlı araşdırma aparılır.
