Türkiyədə hesabında 1 milyon lirə və bundan daha çox pulu olan milyonçu sayı bu ilin 8 ayı ərzində 16 min 517 nəfər artaraq 125 min 381-ə yüksəlib.

Axar.az xəbər verir ki, bu məlumatı "Anadolu" agentliyi Türkiyənin Bankçılıq Tənzimləmə və Nəzarət Qurumunun hesabatına əsasən yayıb.

Məlumata görə, ötən ilin dekabr ayında bank hesabında 1 milyon lirə və daha çox pulu olan milyonçu sayı 108 min 864 nəfər olduğu halda, hazırda bu rəqəm 8 ay ərzində 125 min 381-ə yüksəlib.

Agentlik siyahıda yer alan milyonçuların təxminən 3 milyard lirəlik qızıla sahib olduğunu bildirib.