“Apple” komputerlərinin əməliyyat sistemində problem aşkarlanıb.

teref.az BBC-yə istinadən xəbər verir ki, MacOS High Sierra əməliyyat sistemində yaranan problem kompüterə parolsuz daxil olması ilə bağlıdır.

“Biz bu problemi həll etmək üçün proqram yeniləməsi üzərində işləyirik”, – şirkət bildirib. Yaranan nasazlığı ilk olaraq türk proqramçı Lem Ergin aşkar edib. Onun sözlərinə görə, komputeri açarkən istifadəçi adı yerinə “root” yazıb, parol yerini boş buraxıb, “enter” düyməsini sıxmaqla komputerə istədiyiniz qədər giriş çıxış etmək mümkündür. Ekspertlər bu cür səhvi Apple şirkəti üçün “ən kobud və biabırçı” səhv adlandırıblar.