Görəndə ki, türk uşaqları ailə içində və ev mühitində farsca danışır, mən bundan çox təəssüflənirəm.
Kult.az xəbər verir ki, bu sözləri əslən Ərdəbildən olan tanınmış azərbaycanlı aktyor və rejissor Behnam Təşəkkür “Savalan” (Səbəlan) telekanalında deyib.
“Böyük fəxrlə bildirirəm ki, mən türkəm. Atam, anam ərdəbillidilər, mənim əsas vətənim də Ərdəbil şəhəridir”- deyə o qeyd edib.
B.Təşəkkür həmçinin ana dilini bilib danışmaqla bağlı bəzi iradlarını səsləndirib:
“Türk ailələri uşaqlarına mütləq türk dilini öyrədib onlarla türkcə söhbət etsinlər”.