Feysbukda fəaliyyət göstərən Turan TV səhifəsi Azərbaycan-Ermənistan münaqişəsini və erməni xislətini özündə əks etdirən maraqlı bir paylaşım edib.

Kult.az xəbər verir ki, paylaşımda yəhudi rejissor Viktor Turin tərəfindən çəkilmiş “Bakılılar” filmindən bəhs olunub.

Görüntülərdə azərbaycanlı uşağın erməni ilə konfetini böldüyü, erməninin isə hamısını götürüb qaçdığı görünür. Yanlarındakı rus kişi isə onların ikisini də tutub aranı qızışdırır və böyük dava salır.

Qeyd edək ki, “Bakılılar” filmi 1938-ci ildə ekranlaşdırılıb. Film 1905-ci ildə Bakıda baş verən inqilabi hadisələrə, çar mütləqiyyətini devirmək uğrunda aparılan mübarizəyə həsr edilib. Əsas rolları Rza Əfqanlı, Nikolay Şulgin, O.Kutıryeva, Boris Baykov, Vaso Qodziaşvili və V.Baqratuni oynayıb.