Məsullardan 40 milyon türkə hörmət etmələrini istəyirik. Teleradio Şirkəti türk dilində telekanal yaratmalıdır ki, biz türklər Əhli-beytə olan məhəbbətimizi şirin türk dilində bəyan edək. İranda Türk dili və ədəbiyyatı mədəniyyət evi də təsis olunmalıdır.

Axar.az xəbər verir ki, bu sözləri Güney Azərbaycanın Urmiya şəhərinin İran parlamentindəki millət vəkili Nadir Qazipur parlamentdəki çıxışı zamanı deyib.

O, İranda Azərbaycan türkcəsində telekanal və türk dili, ədəbiyyatı mədəniyyət evinin yaradılmasını tələb etməklə yanaşı, Urmu gölü böhranı haqda da danışıb:

“Azərbaycanın naxışı olan Urmu gölü hələ də diridir, lakin bir xəstə kimi komaya düşüb. Ümid edirəm ki, Azərbaycanın ölüm mərkəzinə çevrilən Urmu Gölünü Canlandırma Mərkəzi gölə ayrılan büdcə vəsaitini yalnız gölün canlandırılmasına xərcləyəcək”.