Heç kim kürdlər üçün dövlət axtarışına çıxmasın, Türkiyə Respublikası hamımızın dövlətidir.

Axar.az xəbər verir ki, bu sözləri Türkiyə Prezidenti Rəcəb Tayyib Ərdoğan deyib.

"İraqda, Suriyada apardığımız mübarizə ilə əsrlərdir bizi bir-birimizə düşmən etməyə çalışanlara, müstəmləkəçi düzənə qarşı çıxırıq. Terror təşkilatlarından istifadə etməklə bizi düşmən etməyə çalışırlar. Biz "millət" deyəndə kürdləri, çərkəzləri, boşnakları, lazları da nəzərdə tuturuq. Biz "tək bayraq" deyəndə sizin də, bizim də babalarımızın canlarını fəda etdikləri mübarizənin rəmzinə diqqət çəkirik. Biz "tək vətən" deyəndə əcdadlarımızın əsrlərdir birlikdə yaşadığı 780 min kvadratkilometrlik bu torpağı nəzərdə tuturuq. Biz "tək dövlət" deyəndə ölkəmizi fəlakətin beşiyinə çevirməyə çalışan düşmən qüvvələrə qarşı duruşumuzu ifadə edirik", - Ərdoğan bildirib.