Türkiyənin Bursa şəhərində sakinlərin yaşamadığı bina içində yanğın qorxu və çaxnaşmaya səbəb oldu. Alovun yan binalara keçməməsi üçün yerli sakilərin əlindən gələni etdilər. Vətəndaşların səyi nəticəsində yanğınsöndürmə briqadasının işi xeyli asanlaşdı.

Hadisə Bursanın mərkəz Osmangazi bölgəsinin Mollafenari məhəlləsində baş verdi.

Əldə edilən məlumata görə, məlum olmayan səbəbdən gecə saatlarında kimsənin olmadığı binada yanğın baş verdi. Məhəllə sakinlərinin iddialarına görə, partlayışdan sonra bir mərtəbəli binadan alov yüksəlməyə başladı. Qısa bir müddət ərzində bütün binanı alov bürüdü və atəşin digər binalara sıçramasının qarşısını almaq üçün vətəndaşlar böyük səy göstərdilər. Hadisəni görən yerli sakinlər dərhal xilasetmə və təcili tibbi yardım xidmətlərini məlumatlandırdı. Hadisə yerinə çox sayda polis, yanğınsöndürmə qrupları və təcili tibbi yardım briqadaları cəlb edildi. Qısa müddət ərzində yanğını nəzarət altına alındı. Yanğın söndürüləndən sonra ev yararsız vəziyyətə gəldi.

Polis, yanğının səbəbini aydınlaşdırmaq üçün istintaq işinə başladı.