Suriya xarici işlər naziri Velid Muallim İdlib əməliyyatının məqsədini açıqlayıb.

Teleqraf.com xəbər verir ki, Maullim "Russia Today"a müsahibəsində Suriyanın İdlibdə Türkiyə ilə qarşı-qarşıya gəlmək istəmədiyini qeyd edib: "Amma türklər İdlibin Suriya ərazisi olduğunu anlamalıdır".

İdlibin taleyi 7 sentyabrda Tehranda keçiriləcək Türkiyə, İran və Rusiya nümayəndələrinin zirvə toplantısında müəyyən ediləcək. Toplantıya hər üç ölkənin prezidentləri qatılacaq

Suriya ordusuna hərbi dəstək verən Rusiya 3 milyon nəfərin yaşadığı İdlibdəki Hayat Tahrir el Şam kimi qrupları terror təşkilatları hesab edir. Türkiyə Suriyanın İdlib əməliyyatına qarşı çıxıb.

ABŞ-ın dəstəklədiyi kürd qruplarla bağlı açıqlama verən Muallib əlavə edib ki, ABŞ etibarsız tərəfdaşdır: "Kürd vətəndaşlarımız bunu anlamalıdır. Biz kürdlərlə hər cür dialoqa hazırıq. Suriyanın da keçilməz qırmızı xətləri var. Bu ərazi bütövlüyü, suverenlikdir. Bunun xaricində hər cür danışıqlara hazırıq".