“Apple”in satışları 2022-ci ildə azalıb.

İndex.az xəbər verir ki, “Apple”dan verilən açıqlamaya görə, 2022-ci ilin dördüncü rübündə şirkətin satışları 2021-ci ilin eyni dövrü ilə müqayisədə 5% azalaraq 117,2 milyard dollara düşüb. Şirkət 2021-ci ilin eyni dövründə 123,9 milyard dollar gəlir əldə edib.

Beləliklə, 2019-cu ildən bəri ilk dəfə “Apple”ın satışlarında illik azalma müşahidə olunub. Şirkətin gəliri 121,1 milyard dollarlıq bazarın gözləntilərindən də geri qalıb.

“Apple”ın xalis mənfəəti isə 2022-ci ilin dördüncü rübündə 2021-ci ilin eyni dövrü ilə müqayisədə 13% azalaraq 30 milyard dollara düşüb. Şirkətin xalis mənfəəti 2021-ci ilin dördüncü rübündə 34,6 milyard dollar olub.

“Apple”ın səhm üzrə qazancı da bu dövrdə 2,10 dollardan 1,88 dollara düşüb.