Sindzo Abe Nyu-Yorkda Tramp və Ruhani ilə görüşəcək

22-09-2019, 09:23           
Sindzo Abe Nyu-Yorkda Tramp və Ruhani ilə görüşəcək
Yaponiyanın baş naziri Sindzo Abe BMT Baş Assambleyasında iştirak etmək üçün sentyabrın 23-dən 26-dək Nyu-Yorka səfərdə olacaq.

APA xəbər verir ki, səfər çərçivəsində S.Abe ABŞ prezidenti Donald Tramp və İran prezidenti Həsən Ruhani ilə görüşəcək. Bu barədə Yaponiya Nazirlər Kabinetinin baş katibi Yoşihide Suqa ənənəvi mətbuat konfransında məlumat verib.

"Baş nazir Sindzo Abe sentyabrın 23-dən 26-dək Nyu-Yorku ziyarət edəcək, 26-dan 28-dək isə Brüsseldə olacaq. Nyu-Yorkda o, BMT Baş Assambleyasındakı tədbirlərə qatılacaq, həmçinin onun ABŞ və İran prezidentləri ilə yüksək səviyyəli görüşləri planlaşdırılır. Brüsseldə isə o, Avropa Komissiyasının sədri Jan-Klod Yunkerlə görüşəcək", - deyə baş katib bildirib.












Teref.info © 2015
E-mail: [email protected]            Telefon: 051 933 93 21            Baş redaktor: Nurəddin (Xoca) İsmayılov
Məlumat internet səhifələrində istifadə edildikdə müvafiq keçidin qoyulması mütləqdir.