“UniCredit SpA” nominal dəyəri 1,5 milyard avro olan pis kreditləri satmağa hazırlaşır.

FED.az xəbər verir ki, "UniCredit", "Illimity Bank SpA" və "Guber Banca SpA" ilə təxminən 700 milyon avro vaxtı keçmiş debitor borclarını, əsasən zəmanət olmadan satmaq barədə danışıqlar aparır. Eləcə də 800 milyon funt sterlinq dəyərində kredit paketi satması ilə bağlı müqaviləyə də çox yaxındır.

Pandemiyanın borcalanlara təsirinə baxmayaraq, bank işləməyən kreditlərin payını dekabr ayında 5 faizdən 31 mart tarixinə 4,9 faizə endirib.

Banklar hesab edir ki koronavirus səbəbindən ipoteka kreditləri, biznes kreditləri və digər borclarla bağlı ödənişlərin yeni bir problem dalğası yaranacaq. Ona görə də indiyədək olan problemli borcları satmağa çalışırlar.

Artıq bir neçə gün əvvəl "UniCredit", "Banca Ifıs" ilə 335 milyon avro kreditin satış müqaviləsini imzalayıb.

Bu sövdələşmələr UniCreditin təxminən 8 milyard avro dəyərində vaxtı keçmiş borc debitor borclarının bir neçə hissədə ləğv edildiyi ilk satış olacaq.