Litva müdafiə xərclərini 148 milyon avro artıracaq
29-09-2022, 09:15
Litvanın müdafiə xərcləri bu il 148 milyon avro artacaq, müxtəlif növ silahların, o cümlədən Amerikanın Himars sistemlərinin alınması planlaşdırılır.
TASS xəbər verir ki, bu barədə hökumətin bugünkü iclasında qərar verilib. “Biz müdafiənin maliyyələşdirilməsini artırır, bununla da parlament partiyalarının razılığını ardıcıl şəkildə həyata keçiririk”, - maliyyə naziri Gintare Skaiste bildirib.
Ölkənin müdafiə naziri Arvydas Anuşauskasın sözlərinə görə, vəsait 50 zirehli transportyor Ukraynaya verildikdən sonra Litvanın hərbi potensialının bərpasına yönəldiləcək.