Meksikada cinsi istismara uğramaq üzrə olarkən qışqıraraq fəryad qoparan uşağın köməyinə gənc bir qadın qaçıb. Təcavüzkarı zərərsiz hala gətirən qadın, daha sonra onu polisə təslim edib.

Moderator.az xəbər verir ki, Meksikanın Hidalgo əyalətində baş verən hadisə zamanı adının Esmeralda Salazar olduğu öyrənilən qadın anidən qışqıraraq kömək çağıran uşaq səsi eşidib.

Uşağı xilas etmək üçün öz həyatını da təhlükəyə atan qəhrəman qadın dizi ilə adamın kürəyinə basaraq əllərini bağlayıb və polislərin gəlməsini gözləyib.

Hadisə yerinə gələn polis əməkdaşları təcavüzkarı həbs edərək nəzarətə aparıb.