Müharibə veteranı Mehriban Əliyevaya müraciət etdi: "DSMF Qazax rayon şöbəsinin müdiri məhkəmə Qərarı ilə oyun oynayır....."

18-11-2019, 02:17           
Müharibə veteranı Mehriban Əliyevaya müraciət etdi: "DSMF Qazax rayon şöbəsinin müdiri məhkəmə Qərarı ilə oyun oynayır....."
Teref.az-ın poçtuna daxil olan şikayət məktubunu təqdim edirik:
AZƏRBAYCAN RESPUBLİKASININ BİRİNCİ VİTSE-PREZİDENTİ, AZƏRBAYCANIN BİRİNCİ XANIMI.
HÖRMƏTLİ MEHRİBAN ƏLİYEVAYA.

SÜRƏTİ :

AZƏRBAYCAN RESPUBLİKASININ ƏDLİYYƏ NAZİRİ.

CƏNAB FİKRƏT MƏMMƏDOVA.


AZƏRBAYCAN RESPUBLİKASININ ƏƏSM NAZİRİ

CƏNAB SAHİL BABAYEVƏ.


İNSAN HÜQUQLARI ÜZRƏ MÜVVƏKİLƏ.

GƏNCƏ İNZİBATİ-İQDİSADİ MƏHKƏMƏSİNƏ.



DSMF-n DSMF Qazax rayon şöbəsinə.



Qazax rayon, Ağköynək kəndində yaşayan Qarabağ müharibə iştirakçısı, Mehtiyev Natiq İsmayıl oğlu tərəfindən.



Ə r i z ə

Bildirmək istəyirəm ki, may 1992-ci ildən avqust 1996-cı ilədək 707 saylı hərbi hissədə xidmət etmişəm və Azərbaycan Respublikasının ərazi bütövlüyü uğrunda gedən döyüşlərdə iştirak etmişəm.

Qeyd etmək istəyirəm ki, DSMF Qazax rayon şöbəsindən Müharibə veteranı kimi müavinat alıram, DSMF Qazax rayon şöbəsinə qanuna müvafiq olaraq müraciət etdim ki, mənə Müharibə veteranı kimi müavinatın ödənilməyən 2015-ci ilin avqust ayından 2018-ci ilin avqust ayına qədərfərq məbləği ödənilsin, lakim bu barədə müraciətimə imtina edilmişdir, məcbur qalıb məhkəməyə müraciət etdim, məhkəmə xeyrimə qərar qəbul etdi və məhkəmə qərarı qanuni qüvvəsini almışdır, lakin bu günə kimi hələdə məhkəmə qərarı icra edilməyərək qalmaqdadır.

DSMF Qazax rayon şöbəsinin müdiri məhkəmə Qərarı ilə oyun oynayır, məhkəmənin qanuni qüvvəsini almış Qərarını qanuni sənət hesab etməyərək müdaxilə edir, hansı ki, məhkəmə qərarı Azərbaycan Respublikası adından çıxarılır və sözsüz müzakirəsiz icra edilməlidir, belə ki, 10 gün əvvəl müraciətimdən sonra mənə bildirmişdir ki, ödənişiniz tam şəkildə birdəfəlik məhkəmə qərarına müvafiq olacaq, lakin bu gün ödəniş edilib ancaq məhkəmə qərarı tam şəkildə icra edilməyərək qalmaqdadır. Belə ki, DSMF Qazax rayon şöbəsinin müdürü mənə bildirdi ki, 2 və ya 3 aya sənin veteran pulun qalıq məbləğin ödəyəcəm, lakin sonradan mənə çağırıb bildirir ki, yox ayda 80 manat ödəyəcəyəm. Hörmətli Cənab Nazir bu barədə ölçü götürün, ciddi tədbir görün, Azərbaycan Respublikası adından çıxarılan məhkəmə qərarını DSMF Qazax rayon şöbəsi müdaxilə edərək icra edir, mənim haqqıma girir.

Sizdən xahiş edirəm ki, qanuni qüvvəsini almış məhkəmə qərarının icra edilməsinə ciddi göstəriş verəsiniz, bu barədə Gəncə İnzibati-İqdisadi Məhkəməsi tərəfindən Qazax rayon icra və probasiya şöbəsinə müvafiq sənətləri icra edilməsi üçün göndərəsiniz və mənə Müharibə veteranı kimi müavinatın ödənilməyən, yəni 2015-ci ilin avqust ayından 2018-ci ilin avqust ayına qədər cəmi 36 ay fərq məbləğinin tam şəkildə birdəfəlik ödənilməsi barədə Əmək və Əhalinin Sosial Müdafiəsi nazirliyi yanında Dövlət Sosial Müdafiə Fondunun Qazax rayon şöbəsinə müvafiq ciddi göstəriş verəsiniz.



11.11.2018-ci il. İmza: Mehtiyev Natiq İsmayıl oğlu.
шаблоны для dle 11.2













Teref.info © 2015
E-mail: n_alp@mail.ru            Telefon: 051 933 93 21            Baş redaktor: Nurəddin (Xoca) İsmayılov
Məlumat internet səhifələrində istifadə edildikdə müvafiq keçidin qoyulması mütləqdir.
Sayt Webmedia.az tərəfindən hazırlanmışdır.