Belarusda taktiki nüvə silahlarının yerləşdirilməsi Qərbi son qırmızı xətti keçməməsi üçün onu cilovlamaq məqsədilə atılan məcburi addımdır.

Axar.az xəbər verir ki, bunu Belarusun Təhlükəsizlik Şurasının katibi general-leytenant Aleksandr Volfoviç deyib.

O bildirib ki, hazırda Belarusa sərhəd ölkələrin - ilk növbədə Polşanın ərazisində baş verənlər hücumçu silahlı dəstənin formalaşmasından xəbər verir:

"Hərbi planda strateji çəkindirmə elementlərindən biri, əlbəttə ki, nüvə silahıdır. Qərb sadəcə olaraq Belarusa başqa yol buraxmadı".