Almaniyada bir orta məktəbdə 9 yaşlı qız uşağı yoldaşları ilə türk dilində danışdığı üçün müəllimi tərəfindən cəzalandırılıb.

Sözügedən müəllim azyaşlı qızdan türk dilində danışmasının cəzası olaraq "Nə üçün Alman dilində danışırıq?" başlıqlı yazı yazmasını tələb edib.

Moderator.az xəbər verir ki, Almaniyanın Baden-Vürttemberq əyalətində baş verən hadisədən sonra azyaşlı qızın ailəsi müəllimdən şikayətçi olub.

Ailənin vəkili etdiyi açıqlamada uşağın ailəsinin bu cür bir cəzanı əsla qəbul etmədiyini və müəllimin tələbinindən imtina etməsini istədiklərini söyləyib.