Böyük Britaniyanın Kembric Universitetinin alimlərinin tədqiqatları nəticəsində COVID-19-un üç növünün olduğu anlaşılıb.

Yenisabah.az xarici mətbuata istinadən bildirir ki, alimlərin fikrincə davamlı olaraq mutasiya keçirən virusun indiyə qədər - A, B, C növləri yaranıb.

Koronavirusun heyvanlardan insanlara ötürülən orijinal forması, yəni A tipi hazırda ABŞ və Avstraliyada yayılıb.

Mütəxəssislərin fikrincə, Çində epidemiyanın pik nöqtəyə çatdığı vaxt (Yanvar ayında) virusun B versiyası yayılmağa başlayıb. B tipi daha sonra Almaniya, Fransa, Belçika, Niderland və İsveçrədə yayılıb.

B növündən törəyən C tipi isə Sinqapurda peyda olub. C tip virus daha sonra Sinqapurdan bir sıra Avropa ölkəsinə yayılıb. Buna baxmayaraq, Avropada ən çox müşahidə edilən virus B tiplidir.

Alimlər virusun orijinal formasının daha az ölümcül olduğunu, hər yeni versiyada onun gücünün daha da artdığını vurğulayırlar.