İşlədiyi supermarketdən bir milyon dollar oğurladı

23-01-2021, 09:22           
İşlədiyi supermarketdən bir milyon dollar oğurladı
ABŞ-ın Corcia ştatında Tre Braun adlı şəxs işlədiyi supermarketdən təqribən bir milyon dollar oğurlayıb.

“AJC” portalnın məlumatına görə, cinayət “Kroger” supermarketində baş verib.

Ticarət obyektinin saxta əməliyyatların izlənilməsi üzrə eksperti milad ərəfəsində məzuniyyətə çıxıb. Onun işdə olmadığı müddətdə supermarket əməkdaşları bəzi şübhəli əməliyyatların şahidi olduqları üçün Qvinnet dairəsi Polis idarəsinə müraciət ediblər.

Hüquq-mühafizə orqanlarının apardığı araşdırmalar nəticəsində marketin əməkdaşı 19 yaşlı Tre Braun cinayətdə şübhəli olaraq müəyyənləşdirilib.

O, dekabr-yanvar ayları ərzində təxminən bir ay boyu maliyyə fırıldaqları ilə məşğul olub. Braun həqiqi olmayan şəxslərin adından öz kart hesablarına 40 dəfə məhsulların geri qaytarılması əməliyyatını həyata keçirib. Əməliyyatların məbləği 75-87-min dollar arasında dəyişib.

Ümumən, bir ay ərzində 19 yaşlı gənc supermarketdən 980 min dollar oğurlayıb. Polis onu həbs etsə də, Braun 11 200 dollar girov ödəyərək istintaq müddətində azadlığa çıxıb.oxu.az












Teref.az © 2015
TEREF - XOCANIN BLOQU günün siyasi və sosial hadisələrinə münasibət bildirən bir şəxsi BLOQDUR. Heç bir MEDİA statusuna və jurnalist hüquqlarına iddialı olmayan ictimai fəal olaraq hadisələrə şəxsi münasibətimizi bildirərərkən, sosial media məlumatlarındanda istifadə edirik! Nurəddin Xoca
Məlumat internet səhifələrində istifadə edildikdə müvafiq keçidin qoyulması mütləqdir.
E-mail: n_alp@mail.ru