"Elit SRC Group" MMC təhsil şirkətinin (“Elit Academy”) 2018 ci ildən həbsdə olan və 27 May 2018 tarixində azadlığa çıxan rəhbəri Kərimzadə Rüstəm Fuad oğlu onun həbsdə olduğu müddətdə mediada yayılan iddialara cavab olaraq açıqlama verib.

Rüstəm Kərimzadə qeyd edib ki, onun həbsi sifarişli olub.

O bildirib ki, rəhbəri olduğu təhsil şirkəti 2013 cü ildən fəaliyyət göstərir və 5000 dən artıq müraciətçiyə bu illər ərzində vicdan və şərəflə xidmət etmişdir və bugünə qədər heç bir şəxsi aldatmamış və ya yarı yolda qoymamışdır. Bununla yanaşı yüzlərlə tələbədən umumiyyətlə ödəniş almamış, həmçinin, şirkətin imkanları daxilində təqaüdlərdə təşkil etmişdir.

Rüstəm Kərimzadə qeyd edib ki, artıq Bakı Ağır Cinayətlər məhkəməsinin qanunsuz və əsassız hökmündən 13 Aprel 2021 ci il tarixində Apeyasiya şikayəti vermişdir: “İlkin apelyasiya məhkəməsi 25 iyun tarixində Bakı Apelyasiya Məhkəməsinin inzibatı binasına təyin olunmuşdur. Maraqlanan şəxsləri açıq məhkəmə iclasına dəvət edirəm”.

Rüstəm Kərimzadə əlavə edib ki, 2018 -ci ildən bugünə qədər olmuş ədalətsiz mühakimə davam edir:

"Bakı Ağır Cinayətlər məhkəməsinin barəmdə verdiyi qanunsuz və əsassız hökmdən mən və vəkilim Elçin Sadıqov Apelyasiya şikayəti vermişik. Apelyasiya şikayətimdə şəxsimə şər - böhtan atan insanların (şirkətin bəzi işçiləri, məmur əlbirləri və sifariş verənlər) Azərbaycan Respubliksının Cinayət Məcəlləsinə uyğun cəzaladırılmalarını, işi bugünə qədər qanunsuz olaraq gətirən müstəntiqlər barələrində qanunsuz əməllərinə görə cinayət işi açılmasını və qanunamüvafiq cəzalandırılmalarını, mənə vurulan maddi və mənəvi zərərin (1 milyon 750 min) ödənilməsi yönündə qərarın qəbul edilməsini Azərbaycan Respublikasının Konstitusiyasına və onun tələblərinə uyğun şəkildə məhkəmədən istəmişəm. İbtidai istintaq və birinci instansiya məhkəmə proseslərində yığılmış materiallardan da sübut olunub ki, şər atanlar rüşvət verib, müstəntiqlər isə rüşvət alan tərəfdirlər. Şər atanlar isə rüşvət verdiklərinə görə məsuliyyətdən yayınıblar. Şər atan şəxslərin, həmçinin, bu işi sifarişi verəni - rəqib şirkətin “Kaspi” liseyinin rəhbərliyinin məsuliyyətə cəlb olunması məsələsini qaldırmışam.

Nəzərinizə onu da çatdırım ki, iddia olunan və mənə qarşı ittihamın əsasını təşkil edən 33 nəfər zərərçəkənin heç biri hələ də 1 manat da olsun pul almayıbdır, çünkü mənim onları aldatdığıma dair bir sübut da 3 ilə yaxındır hələ ortaya qoyula bilinməyib. Yəni, məni həbs etdiklərindəki vəziyyət necə idisə, indi də eyni şəkildədir, olan isə mənim 2 il müddətində sifariş əsasında qanunsuz həbs müddətim olub”. //Marja.az//

DİA.AZ xatırladır ki, Rüstəm Kərimzadənin həbsinin sifarişçisi kimi gördüyü “Kaspi” liseyi Prezidentin keçmiş köməkçisi Əli Həsənovun xanımı Sona Vəliyevaya məxsusdur.