Qorbaçovdan SENSASİON AÇIQLAMA

3-08-2021, 00:04           
Qorbaçovdan SENSASİON AÇIQLAMA
“1988-ci ilin əvvəlində Dağlıq Qarabağ problemi daha da ağırlaşdı. Münaqişənin kökləri uzun müddətdir vardı, o vaxt sadə bir həlli yox idi, baxmayaraq ki, mənə sərhədləri yenidən çəkməklə münaqişənin həll edilə biləcəyinə inandırmağa çalışmışdılar. Ölkə rəhbərliyində yekdil fikir var idi: bu, qəbuledilməzdir”.
Teref.az xəbər verir ki, bu sözləri keçmiş SSRİ-nin prezidenti Mixail Qorbaçov deyib.

“Mən hesab edirdim ki, Dağlıq Qarabağın statusu ilə bağlı razılığa gəlmək ermənilərin və azərbaycanlıların işidir və ittifaq mərkəzinin rolu onlara vəziyyətin normallaşmasında, xüsusən də iqtisadi problemlərin həllində kömək etməkdir. Əminəm ki, bu, düzgün xətt idi. Amma nə partiya, nə partiya strukturları, nə də ziyalılar razılaşma və ya dialoqa yol tapa bildilər. Hadisələr qartopu kimi böyüdü. 1988-ci ilin fevral ayının sonunda Sumqayıt şəhərində qan töküldü. Qırğını (erməni təxribatı əsasında baş vermişdi – red.) dayandırmaq üçün qoşunlardan istifadə edilməli idi”, - Qorbaçov qeyd edib.

Keçmiş SSRİ-nin lideri əlavə edib:

“Həmin dövrdə, 1987-1988-ci illərdə millətlərarası mübahisələrə münasibətdə demokratik yanaşma ortaya qoymağa çalışdım. Onun mahiyyəti bundan ibarət idi ki, milli problemlər yalnız siyasi və iqtisadi islahatların ümumi kontekstində həll oluna bilər”.

Teleqraf.com












Teref.az © 2015
TEREF - XOCANIN BLOQU günün siyasi və sosial hadisələrinə münasibət bildirən bir şəxsi BLOQDUR. Heç bir MEDİA statusuna və jurnalist hüquqlarına iddialı olmayan ictimai fəal olaraq hadisələrə şəxsi münasibətimizi bildirərərkən, sosial media məlumatlarındanda istifadə edirik! Nurəddin Xoca
Məlumat internet səhifələrində istifadə edildikdə müvafiq keçidin qoyulması mütləqdir.
E-mail: n_alp@mail.ru