İranda koronaviruslu xəstələrə yardım göstərən həkimlər arasında intihara meyl artıb.

Bizim.Media “Azad İran” teleqram kanalına istinadla xəbər verir ki, bu barədə Məşhəd şəhərinin "İmam Rza" xəstəxanasının intensiv terapiya (ICU) şöbəsinin müdiri Əlirza Sədaqət danışıb.

O bildirib ki, koronavirus xəstələrini müalicə edən həkimlərin və tibb personalının gərgin vəziyyətdə çalışması onların çox ağır psixoloji xəstəliklərə tutulmasına səbəb ola bilər:

“Həkimlər arasında intihara meyl halları da artıb və həyata ümid azalıb ki, bu da həqiqətən narahatlıq doğurur”,-deyə o qeyd edib.