Qapısına qıfıl vurulan bu bina zamanında əhali üçün çox məhsuldar, faydalı müəssisələrdən biri olub.

Söhbət Xətai rayonu ərazisində yerləşən Bakı Toxuculuq Fabrikindən gedir.

Mənbələrə görə, 1897-ci ildə neft mədənlərini Britaniya şirkətlərindən birinə satan Hacı Zeynalabdin Tağıyev qeyri-neft sektoruna sərmayə qoyur. Elə bundan sonra təxminən 1900-cü ildə ilk dəfə Qafqazda Hacı Zeynalabdin Tağıyev adına Bakı Toxuculuq Birlik inşa edilir.

Həmin fabrikin fəaliyyəti üçün təbii olaraq xammal da təmin edilməli idi. H.Z.Tağıyev toxuculuq fabrikini xammalla təmin etmək məqsədi ilə Yevlax rayonunda pambıq əkini üçün torpaq sahəsi alıb. Bundan sonra 1909-cu ildə Cavadda pambıqtəmizləmə zavodu tikdirir. Bakının ən iri ticarət mərkəzi sayılan ticarət evini də məhz H.Z.Tağıyev təşkil etmişdi.

Oxu.Az-ın fotoqrafı Hacı Zeynalabdin Tağıyev adına Bakı Toxuculuq Fabrikinin binasından geriyə qalan görüntüləri fotokamerasının obyektivinə köçürüb.

Həmin fotoları təqdim edirik: