Sumqayıtda istiliyə borclu olan məhəllə və mikrorayonlar məlum olub.
Xeberle.com-un araşdırmasına görə, bu ilin yanvar ayının 1-ə olan göstəricilərə əsasən ən çox borclanan şəhərin 17-ci mikrorayonunda yaşayan abonentlərdir. Onların "Sumqayıtistiliktəchizat" İdarəsinə 68 min 453 manat borcu var. Mikrorayonun ev 16, 21, 22, 25, 57, 60, 62, 63, və 67 -nin hər birinin istiliyə borcu 2000 manatı ötüb. Bu mikrorayonda 3 qazanxana, istiliklə təmin olunan 60 bina və 2774 abonent var.
Şəhərin 5-ci mikrorayonunun abonentlərinin də istiliyə borcu heç də az deyil. Belə ki, sözügedən mikrorayonun 54 min 448 manat borcu var.
Borclular siyahısında ilk üçlükdə 18-ci mikrorayon da var. Belə ki, sözügedən mikrorayonun istilik idarəsinə 43 min 862 manat borcu var.
Digər borclu məhəllə və mikrorayonlara gəldikdə isə 3-cü mikrorayonun 26 min 65, Birləşmiş məhəllənin 26 min 776, 1-ci məhəllənin 23 min 67, 29-cu məhəllənin 10 min 654, 12-ci mikrorayonda Əlillər binası kimi tanınan binaların 9 min 132, 18-ci məhəllənin 6 min 433 və Hacı Zeynalabdin qəsəbəsinin isə 3 min 425 manat borcu var.
Ümumi şəhər üzrə isə borcun məbləği 271 min 317 manat təşkil edir.