Tolkien öldükdən sonra yazıçının irsinin idarə olunmasını oğlu Kristofer öz üzərinə götürdü. O, atasının romanlarına çox qısqanclıqla yanaşırdı. Hətta onların kommersiyalaşdırılmasından qorxurdu.

KONKRET.az-ın məlumatına görə, Tolkienin tədqiqatçısı və Vheaton Kollecinin professoru Maykl Drout deyirdi ki: “Kristofer “Soğan Üzüklərinin Rəbbi” əsərini heç sevmirdi.Çünki, əsərdə zorakılıq naminə zorakılıq təbliğ olunurdu. O, miras vergilərini ödəyə bilsəydi əsərləri satmağa razı olmazdı.”

Uzun illər Kristofer Tolkienin Yerin təki haqqında son dərəcə gəlirli təkliflərə məhəl qoymadı. Lakin 2017-ci ildə o, daimi təqaüdə çıxmağa hazırlaşdığı üçün Tolkien ailəsi sürpriz hərrac keçirdi. Tolkienin özünün “Yerin təkinin İkinci Əsri” adlandırdığı və həmçinin “Üzüklərin Rəbbi”ndə təsvir olunan dövrə çoxlu istinadların yer aldığı “Əlavələr”in hüquqlarını satdılar. Tolkien ailəsinin hərracındakı başlanğıc qiymət 200 milyon dollar idi. Əgər kino sənayesinin növbəti “Taxt Oyunları” üçün material tapmaq həvəsi olmasaydı, bu, itkili səbəb olardı.

Elflər Galadriel və Elrond kimi bir neçə ölməz personajlar yeni serialda daha gənc qiyafədə görünə bilər. Lakin çəkilişləri öz üzərinə götürəcək studiya hələ mövcud olmadığından fanatlar sevimli hobbitləri və sehrbazları bir müddət gözləməlidirlər. Bununla belə, bu işdə ümidverici cəhət də var. Yəni daha bir uğurlu serial əldə etmək imkanı var.

Nəhayət HBO və Netflix öz qiymətlərini təklif etdi. Lakin Bezosun komandası hərracda qalib gəldi və 250 milyon dollarlıq hüquqları təmin etdi. “Amazon Studios”-un rəhbəri Cennifer Salke deyir ki, “Bezos şəxsən Tolkienin böyük pərəstişkarıdır. O, material haqqında çox məlumatlıdır və işinin nəticələrini görmək üçün səbirsizlənir. Bu buraya gəldiyim anda bəlli oldu. Bütün şirkət bu məsələdə çox ambisiyalıdır”.

Amazon rəsmiləri serialın büdcəsini təsdiqləməyiblər. Lakin müəllif hüquqlarına xərclənən məbləğ ödənilib. Yeni Zelandiya hökuməti təkcə birinci mövsüm üçün istehsal xərclərini 462 milyon dollar qiymətləndirib. Bu məbləğə sonradan növbəti mövsümlərin çəkilişləri üçün istifadə olunacaq infrastrukturun tikintisi xərcləri daxildir.

Müqayisə üçün qeyd edək ki, “Amazon”un son teleşousu “Zamanın çarxı” şirkətə hər mövsüm üçün 80 milyon dollara başa gəlib. Qlobal marketinq kampaniyasının dəyərini və gələcək mövsümlərin dəyərini nəzərə aldıqda “Rings of Power”-ın büdcəsinin sonda bir milyard dolları keçəcəyinə şübhə yoxdur.

“The New Statesman”, Böyük Britaniya.

8 mart 2022 Tərcümə etdi: Lətif.A,