Ukraynanın Rusiya ordusuna qarşı müqaviməti davam edir. Ukrayna Baş Kəşfiyyat İdarəsinin verdiyi son açıqlamada mülki şəxslərin Rusiya ordusuna vurduğu gizli zərbə ictimaiyyətlə paylaşılıb.

Açıqlanan məlumatda mülki şəxslərin Rusiya ordusuna verdiyi zəhərli tort və spirtdən yüzlərlə əsgərin xəstəxanaya yerləşdirildiyi bildirilib. Hadisə Xarkovda baş verib.

Məlumata görə, İzyum bölgəsində rus əsgərlərinin qarşısını almaq istəyən ukraynalılar əsgərlərə zəhərli tortlar və spirtli içkilər təklif edib. Ukraynalı mülki şəxslərin bu təklifini qəbul edən 2 rus əsgəri həyatını itirib, Ukrayna rəsmiləri yüzlərlə rus əsgərinin isə xəstəxanaya yerləşdirildiyini açıqlayıb.

Ukraynalıların işğalçılara qarşı hər vasitə ilə müqavimət göstərdiyini bildirən açıqlamada Rusiyanın bu vəziyyəti “döyüşsüz itkilər” kimi qeydə aldığı deyilir.

28 rus əsgərinin reanimasiyada olduğu bildirilir, bu vəziyyətdən təsirlənən əsgərlərin sayının isə 500-ə yaxın olduğu iddia edilir.
Mənbə: Bakixeber.com