Ukraynalı teleaparıcı Maşa Yefrosinina Rusiyanın Ukraynaya təcavüzü başlayandan bu ölkəyə qarşı informasiya müharibəsi aparır.

Qafqaz.media xəbər verir ki, o, sosial şəbəkələrdə Ukraynadakı müharibə və rus işğalçılarının şəhərləri necə dağıdıb, dinc əhalini vəhşicəsinə qətlə yetirməsi haqqında həqiqətləri danışır.

“Əgər ukraynalılar bu kadrlara baxaraq göz yaşlarına boğulur, sonra qalxıb Ukrayna ordusuna və qaçqınlarına kömək etməyə gedirlərsə, zombiləşmiş ruslar isə bir şeyi təkrarlayırlar: “Bu, saxtadır”.

Onlar nəinki etiraza çıxmırlar və Rusiya hakimiyyətini Ukraynada müharibəni dayandırmağa çağırmırlar, həm də bütün dünyaya çatmağa çalışan ukraynalı məşhurlara qəzəbli şərhlər yazırlar”, - deyə Maşa Yefrosinina yazır.

Yefrosinina bildirib ki, ruslar ona sosial şəbəkələrdə hədələyir. Ən yaddaqalan və dəhşətli şərhlərdən biri də oğlu İsgəndərə qarşı amansız işgəncə növü ilə hədələnməsidir.

"Onlar oğlumu “kislota” (kimyəvi turşu) ilə axtalayacaqları ilə hədələyirlər", - deyə teleaparıc bildirib.

Xatırladaq ki, daha əvvəl Maşa Yefrosinina rusiyalı ulduzların niyə etiraza çıxmadığını açıqlamışdı.