Mayın 7-nə olan vəziyyətə Rusiya Ukraynadakı döyüşlərdə artıq 1122 tank itirib.

Döyüş fəaliyyətini davam etdirmək üçün Rusiyanın artıq müasir tankı çatışmır. Cəbhə üçün tələsik ötən əsrdə SSRİ-dən miras qalmış texnikanı modernləşdirirlər.

Bu barədə «İzah edə bilərik» Teleqram-nəşrində xəbər verilir.

Belə ki, Yekaterinburq tank zavodu, dövlət satınalmaları portalındakı informasiyaya görə, 200 vahiddən artıq köhnəlmiş hərbi texnikanın modernləşdirilməsi ilə məşğul olmağa başlayıb.

Müəssisə 53 min vahid «Kontakt-1» dinamik müdafiə məhsul-konteyneri tədarük etməlidir. Bu sifariş təxminən 230 tankı zirehlə təmin etməyə çatar.