Rusiya-Ukrayna müharibəsi və onun ərzaq və enerji qiymətlərinə, eləcə də gübrələrə təsiri qlobal resessiyaya səbəb ola bilər.

Axar.az xəbər verir ki, bunu Dünya Bankının prezidenti Devid Malpass deyib.

“Qlobal ÜDM-yə baxsaq, indi tənəzzüldən necə qaça biləcəyimizi anlamaq çətindir”, - Malpass bildirib.

O qeyd edib ki, Ukrayna və Rusiya iqtisadiyyatında əhəmiyyətli daralma müşahidə olunacaq, Avropa, Çin və ABŞ-da isə artım yavaşlayacaq:

“İnkişaf etməkdə olan ölkələr gübrə, qida təchizatı və enerji çatışmazlığından daha çox zərər çəkib. Enerji qiymətlərinin ikiqat artırılması tənəzzül üçün kifayətdir”.