Xəbər verdiymiz kimi, Gədəbəyin əfv sərəncamı ilə azadlığa buraxılan sabiq icra başçısı Saleh Rüstəmli Azərbaycanı tərk edib. Ancaq dünən gecə o, getdiyi Rusiyada, Moskvadakı hava limanında saxlanılıb.

Teref.az-ın yazdığına görə, Cebhe.info xəbər verir ki, Saleh Rüstəmlinin dostu və vəkili Bəhruz Bayramov artıq onun sərbəst buraxıldığını bildirib. Vəkil bildirib ki, araşdırmalardan sonra S.Rüstəmli sərbəst buraxılıb.

Xatırladaq ki, o, həbs olunanadək Rusiyada yaşayıb. O, 2018-ci ildə Bakıya gəldikdə həbs olunmuşdu.

S.Rüstəmli Cinayət Məcəlləsinin 192.3.2 (xüsusilə külli miqdarda gəlir əldə etməklə qanunsuz sahibkarlıq), 193-1.3.1 və 193-1.3.2-ci (mütəşəkkil dəstə tərəfindən cinayət yolu ilə əldə edilmiş külli miqdarda pul vəsaitlərini və ya digər əmlakı leqallaşdırma) və s. maddələri ilə təqsirli bilinərək 7 il 3 ay müddətinə azadlıqdan məhrum edilmişdi.

S.Rüstəmli 1992-93-cü illərdə Gədəbəy rayonunun icra başçısı olub. O zaman onun rəhbərliyi altında Gədəbəydəki Başkənd erməni işğalçılarından təmizlənib.