Parkda müəmmalı ölüm - Putin əleyhdarı olan iş adamı həyatını itirdi

18-08-2022, 12:35           
Parkda müəmmalı ölüm -
Rusiya Prezidenti Vladimir Putinə müxalif fikirləri ilə tanınan Latviya əsilli iş adamı Den Rapoportun müəmmalı ölümü beynəlxalq medianın gündəminə çevrilib.

Teleqraf.com xəbər verir ki, Rusiya mətbuatı latviyalı iş adamının meyitinin ABŞ-ın paytaxtı Vaşinqtonda tapıldığını yazıb.

Məlumata görə, 52 yaşlı Rapoport külli miqdarda pul və intihar məktubu ilə birlikdə parkda ölü tapılıb. Amma Rapoportun həyat yoldaşı Alyona intihar xəbərini təkzib edib, mərhumun üzərində hər hansı məktubun tapılmadığını deyib. Alyona həyat yoldaşının şübhəli ölümü ilə bağlı istintaq başlandığını açıqlayıb.

Rapoport 2012-ci ildə Rusiyada anti-Putin etirazlarından sonra ABŞ-a köçüb və 2016-cı ilə qədər orada yaşayıb. 2016-cı ildə Kiyevə köçmək qərarına gələn Rapoport ABŞ-ın keçmiş prezidenti Donald Tramp seçkilərdə qalib gəldikdən sonra Vaşinqtondakı evini onun qızı İvanka və həyat yoldaşı Jared Kuşnerə satıb.

Rapoport həm də ukraynayönlü və həbsdə olan Rusiya müxalifətinin lideri Aleksey Navalnının tərəfdarı kimi tanınırdı.












Teref.az © 2015
TEREF - XOCANIN BLOQU günün siyasi və sosial hadisələrinə münasibət bildirən bir şəxsi BLOQDUR. Heç bir MEDİA statusuna və jurnalist hüquqlarına iddialı olmayan ictimai fəal olaraq hadisələrə şəxsi münasibətimizi bildirərərkən, sosial media məlumatlarındanda istifadə edirik! Nurəddin Xoca
Məlumat internet səhifələrində istifadə edildikdə müvafiq keçidin qoyulması mütləqdir.
E-mail: n_alp@mail.ru