Azadlıq və xalqların öz müqəddəratını təyin etməsindən dəm vuran Fransa özü hələ də müstəmləkə siyasətini davam etdirir. Fransanın dünyanın bir çox yerlərində müstəmləkə əraziləri qalmaqdadır.

Sakit okeandakı Fransa Polineziyası, Yeni Kaledoniya hələ də Parisin koloniyası hesab olunur. Fransa Polineziyasının ümumi sahəsi, 4,167 km², əhalisi isə 281 674 nəfərdir. Fransız Ali Komissarlığı tərəfindən idarə olunur.

Yeni Kaledoniya isə 19 min kvadrat kilometr sahəyə malikdir. Əhalisi 245 580 nəfərdir. Hər iki adanın əhalisinin 90 faizi xristiandır. Vaxtilə Fransa zorla əhalini xristianlaşdırıb. Yeni Kaledoniya artıq 50 ilə yaxındır ki, müstəmləkədən azad olmaq, öz müqəddaratını təyin etmək arzusunu ifadə etsə də, Fransa hər dəfə bu arzunu boğur.

Bu zaman yerli əhaliyə qarşı represiyalara da əl atır. Digər ölkələrdə separatçıları, cinayətkar rejimləri dəstəkləyən Paris özünün müstəmləkəsində olan və müstəqillik arzusu ilə yaşayan kaledoniyalıları əsarətdə saxlamaqda davam edir.
Fransanın Karib dənizi sahillərində də müstəmləkələri var. Frans Qvianası, Guadeloupe və Martinique adaları, Komor adasının bir hissəsi hələ də Fransanın nəzarəti altındadır.

Fransanın cənubunda yerləşən Korsika da uzun müddətdir müstəqil olmaq uğrunda mübarizə aparır. Lakin Paris onlara qarşı da amansız represiyalara əl atır.

1954-1962 Əlcəzair Qurtuluş Müharibəsi zamanı Fransa ordusu böyük bir soyqırımla məşğul olub və 1,5 milyona qədər əlcəzairlini qətlə yetirib. Paris 1978-ci ilə qədər Əlcəzairin cənubunda gizli şəkildə 17 nüvə silahını sınaqdan keçirib. Hansı ki, onun təsirləri bu gün də Əlcəzairdə özünü göstərir. 2021-ci ilin fevralında bu sınaqların radioaktiv qalıqlarını daşıyan səhra fırtınası radioaktiv tullantıları Şimali Əlcəzairin səmasını narıncı rəngə boyamışdı.

Fransa, Seneqal, Niger, Kamerun və Mavritaniya kimi bir çox Afrika ölkələrində, xüsusilə Əlcəzair və Ruandada daxili qarşıdurma və soyqırım üçün məsuliyyət daşıyır. 1945-ci il mayın 8-i Fransanın Əlcəzairdə soyqırımının başladığı tarixdir. Bu soyqırımda 5 milyondan çox müsəlman əlcəzairli həyatını itirib.

TEREF.AZ yazır ki, Bizim.Media-ya açıqlamasında politoloq Cümşüd Nuriyev bildirir ki, Fransa indi də keçmiş müstəmləkələrindən əl çəkmir, onları öz təsiri altında saxlamağa çalışır:

“Fransa uzun müddət Afrika ölkələrini müstəmləkə altında saxlayıb. İndi də oradan əl çəkmir. Çadda sülhməramlı qüvvə adı ilə yerləşib.

Qvineya-Bisau, Konqo, Seneqal çayı hövzələrində də fransız əsgərləri bu və ya digər formada yerli təbii sərvətlərin dağıdılmasına şərait yaradırlar. Fransa məcburi şəkildə dünyanın 23 dövlətinin rəsmi dillərini məhv edib.
Fransa dünyada dilləri genosidə uğradan əsas dövlətdir. Fransızlar dil genosidi üzrə ən böyük mütəxəssislərdir. Peşəkar terrorçuluğu da fransızlar həyata keçiriblər.

Fransanın Bordo şəhəri ətrafında yaşayanlar da birmənalı şəkildə fransız deyillər, onlar da müstəmləkəyə məruz qalıblar. Hazırda Parisin ən böyük müstəmləkəsi Aralıq dənizindəki Korsika adasıdır. Bu günə qədər də Fransa orada öz işğalçılıq siyasətini davam etdirir”.