Ukraynada müharibə başlayandan indiyədək Rusiya Silahlı Qüvvələrinin 100 mindən çox şəxsi heyəti məhv edilib.
“Report” xəbər verir ki, məlumatı Ukrayna Silahlı Qüvvələrinin Baş Qərargahı yayıb.

Bundan başqa, Rusiya ordusu 3000-dən çox tank, 6000-ə yaxın zirheli texnika itirib.

Məlumata görə, Ukrayna ordusu son sutkada Rusiya qüvvələrinin Donetsk və Luqansk vilayələtləri istiqamətində 16 yaşayış məntəqəsinə hücumunu dəf edib.

Ötən sutka Rusiya ordusu Zaporojye vilayətinin mülki obyektləri də daxil olmaqla Ukrayna ərazisinə 6 raket və 15 aviazərbə endirib.

Qeyd edək ki, Rusiya Silahlı Qüvvələri 2022-ci il fevralın 24-də “xüsusi əməliyyat” adı altında Ukraynaya qarşı müharibəyə başlayıb.