İkinci Qarabağ müharibəsində biabırçı məğlubiyyətdən dərs çıxarmayan Ermənistanda revanşist qüvvələr yenidən fəallaşıblar.

Həmin qüvvələr əvəzçıxma, yeni hərbi əməliyyatlardan dəm vurur, terror və hücumlar həyata keçirəcəklərini iddia edirlər. Lakin ən acınanacaqlısı odur ki, bu qüvvələr öz çirkin məqsədlərini həyata keçirmək üçün uşaqlardan yararlanmaq istəyirlər. Bu faşist, ermənizm xislətli şəxslər uşaqları təlimlərə cəlb edir, təlim yerlərindən azyaşlıların fotolarını və videolaları yayırlar. Fotolarda Azərbaycan və Türkiyəyə qarşı mübarizəyə, döyüşlərə hazırlanan erməni uşaqlar təsvir edilib. Görünən odur ki, bu qüvvələr heç cür Azərbaycanın Ermənistanla yekun sülh sazişini bağlamasını istəmir və aradakı qarşılıqlı nifrətin aradan qalxmaması üçün əllərindən gələni edirlər.

Milli.Az telegram kanallarına istinadən xəbər verir ki, Ermənistanda azyaşlılarla hərbiləşdirilmiş dəstələr hazırlanır. ASALA terror təşkilatının simvolları altında uşaqlar öldürmək və Azərbaycan ərazisində təxribat törətmək üçün öyrədilir.