ABŞ Dövlət Departamenti bəyan edib ki, Laçın yolu həmən dəhliz statusunda açılmalıdır. Yəni Amerika Azərbaycana deyir ki, erməni separatçıları qarşısında ağ bayraq qaldır.
Laçın yolunun dəhliz statusunda açılmasını bir anlıq təsəvvür edin. Nə baş verir? Qarabağ erməniləri Ermənistana maneəsiz gedib gəlirlər. Ermənistandan qaz, işıq, internet xətti alırlar. Ərzaq və dərman təminatı da İrəvandan gəlir. Faktiki Qarabağdakı ermənilər müstəqillik qazanırlar. Belə bir vəziyyətdə Qarabağ erməniləri Azərbaycanla re-inteqrasiyaya hər hansı maraq göstərərmi? Təbii ki, yox. Heç Azərbaycanla danışmaq belə istəməzyəcəklər. Niyə və nəyi danışsınlar ki?
Maraqlıdır, nədən ABŞ Dövlət Departamenti Qarabağ ermənilərinə demir ki, ərazinizdə olan 10 min silahlı banditi tərk-silah edin və Azərbaycana re-inteqrasiya prosesinə başlayın.
Ona görə də bütün dünya yığışsa da Laçın yolunu dəhliz statusunda açmaq olmaz. Bu yolun dəhliz statusunda açılması Qarabağın itirilməsi deməkdir...
Elbeyi Hesenli
Teref.az