Sosial mediada Qarabağdakı erməni separatçılarından olan Vitali Balasanyanın Azərbaycan dilində danışıq görüntüləri yayılıb. İndiki məqamda sözügedən videonun yayılması insanlarda sual doğrub.

Xatırladaq ki, bu görüş ötən ilin dekabrında başlayan 4 aydan çox davam edən azərbaycanlı ekoaktivistlərin aksiyası zamanı çəkilib. Həmim ərəfədə erməni mediası Azərbaycan tərəfi ilə Xocalıda görüşün keçirildiyini bildirmişdi. Qarabağ erməniləri tərəfdən kimin iştirak etdiyi açıqlanmamışdı.

Hətta bu görüşlərdən sonra qondarma rejim Balasanyanı və oğlunu həbs etmişdi.

Onun evində 40 dəqiqədən çox axtarış aparılmışdı.

Bir neçə nəfərin də saxlanıldığı bildirilmişdi.

O, xüsusilə irimiqyaslı çirkli pulların yuyulmasında ittiham olunurdu.