Qrossi: AEBA ekspertləri Zaporojye AES-in damında partlayıcı aşkar etməyiblər
12-10-2023, 10:24
Atom Enerjisi üzrə Beynəlxalq Agentliyinin (AEBA) mütəxəssisləri Zaporojye Atom Elektrik Stansiyasında 2 nömrəli enerji blokunun damını yoxlayıblar.
APA-nın AEBA-ya istinadən verdiyi məlumata görə, onlar qadağan olunmuş partlayıcı obyekt aşkar etməyiblər.
"AEBA komandası turbin zalının bütün damını, həmçinin reaktor binalarının damlarının hissələrini və 1 və 3-cü blokların turbin salonlarını müşahidə edə bilib. Onlar heç bir mina və ya partlayıcı müşahidə etməyiblər” – AEBA-nın direktoru Rafael Qrossi bildirib.
