İlon Mask insandakı telepatiya qüvvəsini sınamaq üçün könüllü axtarır

18-05-2024, 15:34           
İlon Mask insandakı telepatiya qüvvəsini sınamaq üçün könüllü axtarır
“Neuralink” şirkəti insana düşüncənin köməyi ilə qadcetləri idarə etməyə imkan verəcək “Telepathy” implantı ilə eksperiment üçün daha bir könüllü axtarır.

Oxu.Az-ın məlumatına görə, bu barədə amerikalı milyarder İlon Mask özünün “X” hesabında bildirib.

“Neuralink” ikinci iştirakçı üçün ərizələri qəbul edir. Bu, bizim kibernetik beyin implantı “Telepathy”dir. Onun sayəsində, sadəcə, düşünməklə telefonunu və kompüteri idarə etmək mümkün olacaq”, - deyə şirkətin rəhbəri qeyd edib.
Xatırladaq ki, Mask yanvar ayında ilk pasiyentə “Neuralink” implantı qoyulduğunu və onun özünü yaxşı hiss etdiyini açıqlamışdı. Könüllü, 29 yaşlı Nolan Arbo təxminən səkkiz il əvvəl qəza nəticəsində iflic olub; o, çiyinlərindən aşağını hiss etmir. İmplant qoyulduqdan bir müddət sonra Nolan notbukunun ekranında şahmat taxtasındakı kursoru düşüncə gücü ilə hərəkət etdirməyi, fiqurları yenidən düzməyi öyrəndi. Arbonun sözlərinə görə, o, kompüter oyunları da oynayır.

Qeyd edək ki, “Neuralink” neyrotexnologiya şirkəti görmə məhdudiyyətli insanlar üçün implant hazırlayır. “Blindsight” adlanacaq bu çip “Telepathy”dən sonrakı növbəti məhsulu olacaq.












Teref.az © 2015
TEREF - XOCANIN BLOQU günün siyasi və sosial hadisələrinə münasibət bildirən bir şəxsi BLOQDUR. Heç bir MEDİA statusuna və jurnalist hüquqlarına iddialı olmayan ictimai fəal olaraq hadisələrə şəxsi münasibətimizi bildirərərkən, sosial media məlumatlarındanda istifadə edirik! Nurəddin Xoca
Məlumat internet səhifələrində istifadə edildikdə müvafiq keçidin qoyulması mütləqdir.
E-mail: n_alp@mail.ru