Eldar Qəribov “Unibank”dan nə qədər qazanır? - MƏBLƏĞ

14-06-2024, 18:41           
Eldar Qəribov “Unibank”dan nə qədər qazanır? - MƏBLƏĞ
“Unibank”ın səhmdlarına ödənilən dividendin həcmi məlum olub.

İqtisadiyyat.az xəbər verir ki, bank 2023-cü ildə əldə etdiyi 31,1 milyon manat xalis mənfəət üzrə səhmdarlarına 4 milyon 65 min manat dividend ödəyib.

Bankın səhmlərinin 94,1%-i Müşahidə Şurasının sədri Eldar Qəribova aid olduğu üçün dividenddən ən böyük payı, yəni 3 milyon 825 min manatı o əldə edib. Dividendin 239,8 min manatı isə 5,9% paya sahib olan fiziki şəxslərə ödənilib.

Bundan əlavə, bank rəhbərliyində təmsil olunan şəxslərə ötən il 3 milyon 239 min manat əməkhaqqı və bonus ödənilib. Bu isə 2022-ci ilə nisbətən 7,3% çoxdur. Belə ki, 2022-ci ildə “Unibank”ın İdarə Heyətinin gəlirləri 3,02 milyon manat təşkil edib.

Xatırladaq ki, “Unibank” 2002-ci ildə Azərbaycanın iki kommersiya bankı - "Mbank" və "Promtexbank"ın birləşməsi ilə yaradılıb. Onun nizamnamə kapitalı 149,4 milyon manatdır.












Teref.az © 2015
TEREF - XOCANIN BLOQU günün siyasi və sosial hadisələrinə münasibət bildirən bir şəxsi BLOQDUR. Heç bir MEDİA statusuna və jurnalist hüquqlarına iddialı olmayan ictimai fəal olaraq hadisələrə şəxsi münasibətimizi bildirərərkən, sosial media məlumatlarındanda istifadə edirik! Nurəddin Xoca
Məlumat internet səhifələrində istifadə edildikdə müvafiq keçidin qoyulması mütləqdir.
E-mail: n_alp@mail.ru