Avstraliya Müdafiə Nazirliyi Ukrayna hərbçilərinin Rusiya Federasiyasının Kursk bölgəsinə hücumu zamanı Kanberra tərəfindən təchiz edilmiş bir neçə “Bushmaster” zirehli transportyorunu itirməsi ilə bağlı xəbərləri şərh edə bilməyib.
Bizimyol.info xəbər verir ki, bu barədə Avstraliya istehsalı olan yanmış zirehli transportyorların fotoşəkillərini əldə edən "ABC" telekanalı məlumat yayıb.

Müdafiə Nazirliyinin nümayəndəsi Avstraliyanın Kiyevə hədiyyə etdiyi, Rusiya ərazisində vurulan zirehli transportyorların Ukrayna hərbçilərinin istifadəsinə dair sualı cavablandırmaqdan imtina edib. Bunun əvəzinə “Kanberranın Ukraynanın Kursk bölgəsinə müdaxiləsini diqqətlə izlədiyini” və “Kiyevi öz şərtləri əsasında hərtərəfli və davamlı sülhün təmin edilməsi səylərində dəstəklədiyini” vurğulayır. “Biz artıq Ukrayna hökumətinə 1,1 milyard Avstraliya dolları və 741,2 milyon dollar dəyərində “Bushmaster” zirehli maşınları da daxil olmaqla, hərbi yardım göstərmişik”, - deyə qeyd edib.

Ukrayna Silahlı Qüvvələrinin (USQ) Kursk vilayətinə kütləvi hücumu avqustun 6-da başlayıb. Regionda federal fövqəladə rejim qüvvədədir və dəfələrlə raket təhlükəsi elan edilib. Fövqəladə Hallar Nazirliyinin məlumatına görə, 9 sərhədyanı rayondan 122 mindən çox insan köçürülüb. Evlərini tərk etməyə məcbur olan Kursk vilayətinin sakinləri üçün 28 rayonda müvəqqəti yerləşdirmə mərkəzləri açılıb.

Rusiya Müdafiə Nazirliyinin məlumatına görə, Kursk istiqamətində döyüş əməliyyatları başlayandan bəri Kiyev 4,4 mindən çox hərbi qulluqçu, 65 tank və 53 zirehli transportyor itirib. Ukrayna Silahlı Qüvvələrinin bölmələrinin məhv edilməsi əməliyyatı davam edir.