“iPhone”u 1 il boyunca 80% şarj etmək telefonun ömrünü nə qədər uzadır?
Daha uzun batareya ömrü üçün smartfonlardan tutmuş elektrik avtomobillərinə qədər demək olar ki, bütün cihazların 20-80 faiz arasında saxlanması tövsiyə olunur.

İndex.az xəbər verir ki, “Apple” tərəfindən “iPhone 15” seriyası ilə təqdim edilən 80% seçimi aktivləşdirildikdə, telefonun doldurulması yüzdə 80-ə çatdıqda şarj prosesi avtomatik olaraq sona çatır.

Beləliklə, batareyanın onun ömrü uzanır. Bunu “iPhone 16″da daha da genişləndirən “Apple” istifadəçilərə 80 – 85 – 90 – 95 – 100 faiz arasında bir dəyər təyin etməyə icazə verdi. Təbii ki, burada vacib bir sual var: Telefonu 80% doldurmaq, yəni tutumunun 20%-ni qurban vermək batareyanın ömrünə nə qədər təsir edir?

Bu yaxınlarda bu mövzuda aparılan testlərə yenisi əlavə edildi. “MacRumors”dan Juli Clover “iPhone 15 Pro Max”dan bir il ərzində 80” limitində istifadə etdi və nəticələri dərc etdi. Bir il ərzində telefonun batareya dövrü 299-a çatdı və batareyanın sağlamlığı 94%-ə düşdü.

Clover, batareyanın sağlamlığının ilin əksər hissəsində 97%-dən yuxarı qaldığını, lakin son aylarda sürətlə azalmağa başladığını bildirir. iOS 18 Beta versiyalarını quraşdırıb-qurmadığına dair heç bir təfərrüat paylaşmadığı üçün batareyanın sağlamlığı ilə bağlı şərh verə bilmərik.

Telefonlarında şarj limitindən istifadə etməyən, yəni 100%-ə qədər dolduran “MacRumors”un digər iki əməkdaşının batareyanın sağlamlığı və dövriyyə sayı aşağıdakı kimidir;

Maksimum Tutum: 87% – Dövrlər: 329
Maksimum Tutum: 90% – Dövrlər: 271

Cloverin 94% batareya sağlamlığını və 299 dövrəni nəzərə alsaq deyə bilərik ki, “iPhone”ları yüzdə 80-dən çox doldurmamaq böyük fayda vermir. Ola bilsin ki, bu fərq daha uzun istifadə ilə arta bilər, amma unutmaq olmaz ki, gündəlik həyatda bunun 20 faizini ümumiyyətlə istifadə etmirsiniz, yəni telefonunuzun batareyası həmişə az olur.

Xülasə, yeni alınmış “iPhone”dan 3-4 il istifadə etməyi planlaşdırırsınızsa, 80 faiz limitini aktivləşdirmək sizin üçün faydalı görünür. Ancaq telefondan maksimum 1 və ya 2 il istifadə etsəniz, bu limitə ilişmədən onu ürəyinizcə doldura bilərsiniz.