Balanslaşdırılmış qidalanma orqanizmin fəaliyyətində əsas rol oynayır və bəzi qidalar beyin fəaliyyətini yaxşılaşdıra bilər. Nevroloq Yuliya Valuyskayanın Life.ru-ya verdiyi məlumata görə, fərdi xüsusiyyətləri, məsələn, müəyyən qidalara qarşı dözümsüzlüyü nəzərə almaq da vacibdir.O, beyin üçün faydalı olan qidalar arasında formasına görə beyinə bənzəyən qozu xüsusi qeyd edib. Onlar hüceyrə membranlarını gücləndirir və yüksək enerji tərkibinə görə əhval-ruhiyyəni və idrak funksiyasını yaxşılaşdırmağa kömək edir.Brokoli, ən ləzzətli yemək olmadığına baxmayaraq, hüceyrə məhvinin qarşısını alan antioksidant mənbəyidir.Tərkibində omeqa-3 çoxlu doymamış yağ turşuları olan qırmızı balıq da beyin fəaliyyətini yaxşılaşdıran qidalar siyahısına daxildir. Bu turşular daha səmərəli beyin funksiyasını təşviq edir və xüsusilə yetkinlik dövründə yaddaşı və diqqəti qorumağa kömək edir.