Əridilmiş kərə yağı qədimdən bəri qida hazırlığında və sağlamlıq məqsədləri üçün istifadə edilən faydalı bir yağ növüdür. Foodinfo.az xəbər verir ki, kərə yağının aşağı istilikdə əridilməsi ilə hazırlanan bu məhsuldan zərərli maddələr (süd proteini və su) ayrılır, yalnız təmiz yağ qalır.Bu yağ həzmi asanlaşdırır və bağırsaq sağlamlığını yaxşılaşdırır. Onun tərkibindəki yağ turşuları bağırsaq florasını dəstəkləyir. Tərkibində A, D, E və K vitaminləri mövcuddur. Bu vitaminlər immuniteti gücləndirir, görmə qabiliyyətini və sümük sağlamlığını dəstəkləyir. Əridilmiş kərə yağı təbii iltihab əleyhinə xüsusiyyətlərə malikdir, bu da artrit və digər iltihab problemlərinə qarşı faydalıdır. Həmçinin sürətli enerji mənbəyidir və bədəni uzun müddət tox saxlamağa kömək edir. Yüksək istilikdə yanmadığı üçün qızartma və bişirmə üçün təhlükəsizdir. Ancaq əridilmiş kərə yağını miqdarına diqqət edərək istifadə etmək vacibdir, çünki yüksək kalorili və yağ tərkiblidir.