Astronomiya həvəskarları bu ilin ən parlaq səma hadisələrindən biri ola biləcək C/2024 G3 (ATLAS) kometasının görünməsini səbirsizliklə gözləyirlər. Səma cismini hətta adi gözlə də görmək mümkün olacaq.

"RİA Novosti"nin verdiyi məlumata görə, bu barədə rusiyalı astronom Stas Korotkiy danışıb.

Bununla belə, astronom kometanın "şöhrət yolunun" asan olmadığını vurğulayıb, çünki səma cismi Günəşə yaxınlaşarkən məhv ola bilər.

"Kometa buzdan ibarətdir və Günəşə yaxınlaşarkən temperatur bir neçə min dərəcə Selsiyə çatdıqda buxarlana bilər", - deyə astronom qeyd edib.

Astronom qeyd edib ki, əgər kometa salamat qalsa, onun Yerdən parlaqlığı Veneranın parlaqlığı ilə müqayisə edilə bilər.

Qeyd olunur ki, səma cismi cənub yarımkürəsinin sakinləri tərəfindən daha yaxşı görünəcək, lakin onu şimal enliklərdən də görmək mümkün olacaq.