Kart istifadəçiləri bəzən diqqətsizlik nəticəsində vəsaiti yanlış hesaba köçürə bilirlər.
Azərbaycan qanunvericiliyinə görə, belə hallarda vətəndaş ilk növbədə aidiyyəti bankla əlaqə saxlamalıdır. Bank qarşı tərəflə əlaqə yaradaraq vəsaitin geri qaytarılmasına çalışır. Lakin bu yalnız həmin şəxs könüllü razılıq verdikdə mümkündür. Əgər pul alan şəxs vəsaiti qaytarmaqdan imtina edərsə vətəndaş mülki məhkəməyə müraciət edə bilər.


Mülki Məcəllənin 194-cü maddəsinə əsasən əsassız varlanma qanunsuz hesab olunur və vəsait geri qaytarılmalıdır. Ekspertlər köçürmə zamanı kart nömrəsi və ad soyad uyğunluğunu yoxlamağı tövsiyə edirlər. Səhv köçürmə risklərini azaltmaq üçün ödənişdən əvvəl məlumatları bir neçə dəfə yoxlamaq vacibdir.