Amsterdamdakı atışmanın ilkin səbəbi açıqlanıb - YENİLƏNİB
27-01-2018, 09:50
Amsterdam polisi şəhərin mərkəzində baş verən atışmanı kriminal münaqişə kimi qiymətləndirir.
APA-nın xəbərinə görə, bu barədə yerli “AT5” telekanalı polisdəki mənbələrə istinadən məlumat verib.
Məlumata əsasən, hadisənin terrorla əlaqəsi olduğu güman edilmir.
Yanvarın 26-sı, axşam saatlarında Amsterdamda baş verən atışma nəticəsində 1 nəfər ölüb, 2 nəfər yaralanıb. Yaralılar xəstəxanaya yerləşdirilib, onların vəziyyətləri barədə məlumat verilmir.
RTL telekompaniyasının məlumatına görə, insidentlə əlaqədar hələ ki, saxlanılan yoxdur.
***
23:37
Amsterdamda silahlı insident qeydə alınıb.
APA-nın xəbərinə görə, bu barədə Niderland polisinin “Twitter” səhifəsində bildirilir.
İlkin məlumata əsasən, atışma nəticəsində 1 nəfər ölüb, bir neçə nəfər yaralanıb.
Hadisənin təfərrüatları barədə hələ ki, məlumat verilmir.